Cambio de enderezo

Debido a problemas técnicos cambiamos a nosa páxina web. Agora podes ler as nosas novas e comunicados en http://cmcgaliza.blogspot.com.es/ . Este blog xa non terá máis publicacións.

[Compostela] Axitación de cara a folga estudiantil

Os CMC en Santiago fixemos axitación en varios institutos de Santiago de cara a folga do próximo día 27. Reparto de octavillas, carteis e pintadas chaman á loita á mocidade estudiantil.

A loita estudiantil intensifícase cada vez máis conforme o fan as agresións do capitalismo contra os fillos e fillas dos traballadores. Os grandes empresarios e banqueiros, a través do seu goberno títere, neste caso o do Partido Popular, que igual que o anterior goberno do PSOE, destrúen a educación pública.
Tras cada xornada de loita, como foi a folga xeral educativa do 24 de outubro de 2013, seguen roubando dereitos aos fillos e fillas dos traballadores porque non temos forma de pararlles; non temos forma de manter unha movilización sostida nas rúas e nos centros de estudo, porque somos capaces dun día puntual mobilizarnos e gañar esa xornada de folga, pero non de soster un pulso prolongado mediante o cal, os estudantes de extracción obreira e popular, os fillos dos currantes, sexamos os que garantamos que as nosas reivindicacións cúmprense e forcemos ao goberno a ceder nas súas pretensións. Porque en definitiva non temos o noso propio sindicato estudiantil.
Ante as agresións que sufrimos habemos de seguir loitando; a LOMCE aínda segue aí, as taxas seguen subindo, as becas seguen baixando e o nosos institutos cáense a cachos. Por todo iso o 26 e 27 de marzo hemos ir á folga e, o máis importante, hemos de converter a nosa loita en organización, organizando ao estudiantado en cada instituto ou universidade,non para loitar sos, si non para máis adiante, crear entre todos o noso propio sindicato a nivel estatal co que golpeemos ao capitalismo como un puño de ferro e logremos avanzar cara á educación que queremos, gratuita e popular
O Sindicato de Estudantes non é a ferramenta válida para os estudantes, pero temos que aproveitarnos das súas convocatorias. Dende os Colectivos da Mocidade Comunista, animámosvos a que creedes vosas propias asociacións nos vosos institutos e universidades e a crear un verdadeiro sindicato estudiantil estatal, defensor dos intereses dos fillos e fillas de traballadores e que funcione de forma democrática e transparente, controlado de abaixo a arriba.
Chamámosvos tamén a unirvos aos CMC, organización revolucionaria da mocidade traballadora, para loitar contra o capitalismo non só nos centros de estudo, se non en todos os ámbitos desta sociedade en que os traballadores e os seus fillos e fillas somos golpeados. E finalmente chamámosvos a que o 26 e 27 de marzo vaiades á folga nos vosos centros de estudos, organicedes piquetes e deixedes pegada creando organizacións estudiantís.

O 27 de marzo todos á folga!
Cara ao SINDICATO ESTUDIANTIL ESTATAL!
Reforzade as filas da revolución, unídevos aos Colectivos da Mocidade Comunista!

[Compostela] Baltasar Garzón, axente da represión. A USC non te admite!

O próximo martes 11 de febreiro está previsto que ex xuiz Baltasar Garzón participe na conferencia “Pasados incómodos: guerra, memoria e historia”, que se realizará na facultade de Xeografía e Historia da USC.  Os Colectivos da Mocidade Comunista rexeitamos a presenza na USC e chamamos á comunidade universitaria, a todo o estudantado e a mocidade santiaguesa a unirse contra a cesión de espazos da universidade a este personaxe.

A día de hoxe Baltasar Garzón é obxecto dunha campaña de lavado de imaxe que trata de presentalo  como abanderado dos dereitos humanos e amigo das vítimas do fascismo é en realidade o individuo que dende o seu posto de xuíz da Audiencia Nacional tolerou e silenciou a tortura de centenas de detidos e detidas por delitos de natureza política. 

A mocidade comunista non esquece quen é Baltasar Garzón. Durante os seus anos na AN, que non é outra cousa que o Tribunal de Orde Pública franquista cun novo rótulo no edificio, amparou a aplicación sistemática da tortura a persoas detidas por delitos de natureza política e que ilegalizou e perseguiu organizacións políticas, xuvenís, anti-represivas ou medios de comunicación populares.

Individuos desta calaña non poden ter acollida na USC. É por iso que chamamos ós e ás estudantes, ó profesorado, ós traballadores  do PAS da Universidade e a toda a mocidade a rebelarse contra esta vergoña financiada con diñeiro público. Os “demócratas” de careta non poden ter admisión nunha Universidade pública.

Non esquecemos quen é Baltasar Garzón, por moitas leccións de memoria histórica que dea tratándose de situar do lado das vítimas do fascismo mentres que como xuiz tolerou a tortura, ilegalizou partidos políticos ou pechou xornais.

A mocidade comunista témolo claro! Non queremos axentes da represión nas nosas universidades! Fora Garzón, a USC non te admite!

Crónica e análise da Folga no sector da sanidade galega.

O pasado 9 e 10 de Decembro, o sector sanitario de Galiza secundou de forma masiva a convocatoria de folga anunciada pola plataforma “SOS sanidade pública”, facendo ver así, que o pobo traballador non admite máis recortes na sanidade pública e o que é aínda máis importante, non nos van enganar cunha privatización encuberta da sanidade .

A pesar das numerosas queixas dos traballadores da sanidade con respecto aos abusivos servizos mínimos fixados pola Xunta de Galiza (en Vigo por exemplo era dun 37%), o seguimento da folga (no caso dos traballadores que si podían asistir ou non) foi fixado nun rotundo 80% nas dúas xornadas de folga. Ademais os traballadores dos servizos mínimos comentaban que moitas das persoas que tiñan cita no hospital non se queixaban por que tivesen que agardar algo máis a ser atendidos a causa da folga senón que, pola contra, eran moi comprensivos e incluso felicitaban aos traballadores e traballadoras do sector pola folga. Isto é unha clara mostra máis da conciencia popular do valor que ten a sanidade pública.

Estas dúas xornadas de folga, culminaron nas manifestacións, convocadas pola plataforma, nas distintas localidades de Galiza e nas que os Colectivos da Mocidade Comunista tamén participamos. Mostraron un cariz absolutamente masivo en tódalas cidades e vilas da Galiza. Isto demostra novamente que as clases traballadoras non estamos dispostas a renunciar ás conquistas sociais froito da nosa loita histórica, que os traballadores e as traballadoras da sanidade non están dispostos a perder dereitos laborais ao tempo que ofrecen unha sanidade de segunda, e demostra que só a unidade na loita é o camiño que nos podemos marcar para a defensa dos nosos intereses.

Tamén podemos observar de forma analítica o porqué destes ataques, xa que o capitalismo ao atoparse somerxido nunha crise estrutural, trata de recuperar as ganancias focalizando a explotación esta vez nos traballadores dos servizos que ata o de agora eran públicos, tomando medidas estratéxicas como son os recortes orzamentarios en sanidade para poñer estes servizos no camiño inequívoco da privatización, sen ter o menor reparo nas consecuencias nefastas para a clase obreira e os sectores populares. No caso da Xunta de Galiza vemos que isto se esta a cumprir de acordo co capital monopolista europeo, que por distintas vías pretende aumentar a súa competencia fronte a outros bloques imperialistas, abaratando os costos da súa “man de obra”, entre eles o costo da súa sanidade.

É por isto que dende os Colectivos da Mocidade Comunista somos moi conscientes de que non é suficiente o feito de denunciar os recortes nos presupostos da Xunta se non que ademais temos que sinalar a orixe destes, que isto non é algo conxuntural, que isto forma parte dunha estratexia política da oligarquía capitalista, que isto é algo inherente o sistema capitalista para facer recaer o peso da crise capitalista nas clases máis humildes e desvalidas, neste caso e fora totalmente de demagoxias, incluso nos enfermos. O capitalismo non ten piedade con ninguén e moito menos cos traballadores! Ante iso só cabe a máis decidida loita contra este sistema criminal, dende as loitas concretas como as da sanidade e a educación, pero uníndoas indisolubelmente á necesidade de botar o capitalismo á esterqueira da historia.

DEFENDAMOS TODXS XUNTXS A SANIDADE PÚBLICA!

[Vigo] Ante a brutal represión xurdida a raiz da manifestación do 20-N

Ante as brutais agresións perpetradas polos corpos de represión do Estado Español na pasada xornada de folga do 20 de Novembro e na posterior concentración antirrepresiva na comisaría de Vigo, xurdida a raiz da represión vivida na manifestación do 20N, os Colectivos da Mocidade Comunista queremos expresar a nosa repulsa. Na manifestación do 20N varias persoas resultaron feridas por o emprego de material antidisturbios por parte da policía (escopetas con pelotas de goma e ata pelotas de futbolín), e na que houbo seis detencións. O venres de esa mesma semana convocase unha concentración para denunciar os brutais ataques da policía contra os manifestantes no 20N e sáldase con cinco detencións máis, ca súa posterior sanción administrativa, na que se xustifica unicamente pola asistencia a unha concetración que eles consideraron como “ilegal”.

Estamos a vivir o desmantelamento dos servizos públicos e ante isto, a mobilización dos sectores implicados vólvese cada vez máis masiva, avanzando firmemente na súa combatividade e na súa loita contra as inxustizas, erguendo a bandeira sempre digna das reivindicacións populares. O Estado vese cada vez máis arrinconado, e recorre cada vez a medidas máis bárbaras e brutais contra a clase obreira e sectores populares.

Xa no noso VIII Congreso lembrábamos as palabras de Lenin, cando advertía que o capitalismo en descomposición tende á reacción en todos os ámbitos. É por isto que dende os CMC estamos convencidos de que debemos prepararnos para defendernos e responder aos ataques dun capitalismo cada vez máis salvaxe e represor (como queda patente no novo proxecto de “Lei de seguridade cidadá”), organizándonos nos nosos centros de estudo, de traballo, nas rúas, etc…

A escalada da represión ou dos grupos fascistas non é nin unha coincidencia, nin xorde de forma espontánea, se non que responden os intereses da burguesía, que sinte como os seus privilexios e a súa posición no poder se ve en perigo.

NON O SABÍAS? DESPIDEN PROFESORES E CONTRATAN POLICÍAS!

Queremos sinalar como culpábeis e cómplices desta represión desmedida na manifestación do 20N ao Sindicato de Estudantes, que nunca deixarán de demostrar de qué lado están e a qué intereses responden. Militantes desta asociación non dubidaron en sinalar a persoas determinadas para facilitarlle a labor os “cans de presa” do Estado e que estes actuaran con contundencia, sen miramentos, contra certo sector do estudantado, crítico co SE. O colaboracionismo do Sindicato de Estudantes coa policía nacional é claro, e goza dun amplo historial.

Tamén na xornada de folga, vimos o talante de certos medios de comunicación, máis ou menos coñecidos e supostamente de “esquerdas”, saíndo en defensa a ultranza do Sindicato de Estudantes. Estes dous factores anteriormente descritos non forman parte se non de unha estratexia das institucións do Estado, para verter bile e criminalizar o movemento estudantil combativo.

Por iso, dende os CMC esiximos a retirada inmediata dos cargos que se lles imputan as persoas que foron detidas tanto no 20N coma na concentración antirepresiva, e facemos un chamamento ao estudantado en xeral a seguir ca loita, ca digna e dura loita que temos por diante, e que nin o oportunismo, nin a represión, van frear o avance imparable do estudantado e da clase traballadora cara a unha sociedade máis xusta.

AVANTE A LOITA DO ESTUDANTADO!

AVANTE A LOITA DA CLASE OBREIRA!

Charla e debate "A Educación no Socialismo"

Dende os Colectivos da Mocidade Comunista temos claro que a loita contra as sucesivas reformas educativas non dará os seus froitos se non é entroncándose nunha loita xeral contra o sistema que as orixina. Para construir unha verdadeira educación ó servizo de estudantes e traballadores, deberemos rachar co capitalismo, que por a nosa educación nas mans dos empresarios para que sirva ós seus beneficios. Por iso, convidámoste a compartir connosco esta xornada de análise e debate sobre qué modelo educativo  esiximos os fillos e fillas da clase traballadora. Na última semana de Novembro organizaremos estas palestras en varias cidades de Galiza, co fin de dar a coñecer o analise dos CJC sobre a educación no marco da actual época capitalista e máis presentar a nosa proposta revolucionaria dun modelo de educación para a sociedade socialista.

Ademáis, haberá a venta diversos materiais, entre eles unha edición en galego das teses da I Conferencia de Estudantes dos CJC. 

Por unha educación ó servizo do pobo traballador!

Polo socialismo-comunismo!

[Compostela] Comunicado en resposta os ataques á compañeira Tatiana Maseda

Dende CMC-Galiza queremos expresar a nosa solidaridade coa compañeira Tatiana Maseda, membra da asociación estudantil AGIR, que foi represaliada polo decanato da facultade de dereito por asistir á folga do 24 de Outubro e a súa participación nos piquetes, tentando impedirlle o acceso o practicum, condición necesaria pola cal non podería concluir a carreira de Dereito. Por se non fora pouco, tamén se ameazou á compañeira coa apertura dun expediente disciplinario.

Hoxe á tarde o decano da facultade, Luis Miguez Macho debía xuntarse ca compañeira (por petición expresa de Tatiana) pero o decano rexeitou esta via máis “diplomática” para resolver o escandaloso asunto e decide pola contra unha confrontación directa co estudantado da USC que, mostrando unha gran solidariedade, leva feitas xa dúas concentracións diante do decanato nas cales a afluencia do estudantado é notoria.

Esta acción represiva por parte da USC xa non é un caso aillado. Durante o ano pasado os estudantes que parciparon na entrada ó reitorado sufriron unha verdadeira “caza de meigas” sen precedentes en toda a historia da universidade (caso que inda segue pendente), polo cal isto xa forma parte dunha política de intimidación e de reacción con respecto o estudantado máis concienciado da USC.

Podemos observar que a medida que pasa o tempo os recortes en educación estanse agravando. O capitalismo pasa por unha crise estrutural, polo cal trata de compensar a perda do beneficios buscando novos mercados no que sustentarse e así poder saír desta crise. Neste sentido o sistema educativo está a sofrer un proceso de elitización e privatización, sendo a educación universitaria en concreto a máis afectada por estas políticas. Xa sexa por un recorte nos presupostos para as universidades ou ben pola subida de taxas ou polo recorte en becas, á familia da clase traballadora suponlle un esforzo ecnómico enorme ou mesmo inaccesible o mandar os seus fillos á universidade, co cal so poderán acceder a ela os fillos das familias burguesas, que dende sempre teñen as facilidades económicas que lles permite non ser afectados por estes recortes. 

É, por estas razóns, que o estudantado loita sen descanso, acumulando forzas e subindo o nivel de combatividade día a día, para defender os seus dereitos e é por estas razóns e non outras que ollamos cada vez con máis frecuencia estas actividades represivas por parte das institucións burguesas do Estado español, xa sexan de carácter estrictamente represivo, como de carácter máis ideoloxico (como é o caso da universidade).

O decano da facultade, Luis Miguez Macho

Polo tanto dende CMC-Galiza sumámonos a todolos actos de solidariedade que se fagan na USC e facemos un chamamento á participación activa de todo o estudantado da USC para defender os seus dereitos en xeral e o dereito á folga en particular. Facemos un chamamento ao estudantado a organizarse e combater todos estes ataques que se están a perpetrar coa máis absoluta impunidade. Non estamos dispostos a consentir a represión sistematica do estudantado! Pedimos a dimisión inmediata do decano da facultade de dereito Luis Miguez Macho (e a súa correspondente sanción, expulsado para sempre do sistema educativo da USC e do conxunto das universidades de todo o estado) e a rectificación de tódalas ameazas perpetradas por parte do decanato á compañeira Tatiana.

NIN UN PASO ATRÁS CONTRA A REPRESIÓN

FORA FASCISTAS DA UNIVERSIDADE

POR UNHA EDUCACIÓN AO SERVIZO DA CLASE TRABALLADORA